Piv a gomz yezhoù Breizh hiziv an deiz ? Un enklask a ro respontoù deomp

10 October 2018

Un enklask a zo bet goulennet gant ar Rannvro digant an aozadur TMO Rannvroioù evit kaout ur sell spisoc’h war pet den a gomz brezhoneg pe gallaoueg, penaos e vez desket ar yezhoù-se ganto, petra emaint o c’hortoz… An disoc’hoù a zo da zizoloiñ war lec’hienn ar Rannvro.

Un nebeut sifroù

Ar brezhoneg : war dro 207 000 brezhoneger

  •  5,5% deus ar boblañs a oar komz brezhoneg, (213 000 den war Breizh istorel).
    An oad keitad a zo 70 bloaz : + 7 ans 1/2 abaoe 2007.
  • 3,5% deus ar boblañs a gompren ar brezhoneg hep gouzout komz ar yezh
  • 31% a oar un nebeut gerioù pe troioù-lavar.
  • Dre vras, 40% deus ar boblañs en deus un nebeut ouiziegezh war ar brezhoneg.

Ar gallaoueg : 191 000 a ra gant ar yezh gallaoueg

  • 5% deus ar boblañs a oar komz gallaoueg (196 000 den).
  • 4% deus ar boblañs a gompren ar gallaoueg hep gouzout komz ar yezh.
  • 15% a oar un nebeut gerioù pe troioù-lavar.
  • Dre vras, 40% deus ar boblañs en deus un nebeut ouiziegezh war ar gallaoueg.

 27% deus ar boblañs a lavar klevout brezhoneg pe gallaoueg ur wech bep miz d’an nebeutañ.

[Lenn an enklask hollek]

[bloc-gris]

KOLLOK ETREBROADEL BREZHONEG, YEZHOÙ MINORELAET : DAZONT HA TREUZKAS ER FAMILHOÙ
23 ha 24 a viz du 2018 – Skol-Veur Kreisteiz Breizh en Oriant

Ken-aozet gant Kuzul sevenadurel Breizh ha Skol-Veur Kreisteiz Breizh, o vodañ arbennigourien eus c’hwec’h Skol-Veur europat en do ar c’hollok ar palioù-mañ :

  • deskrivañ stad an treuzkas er familhoù o keñveriañ un toullad yezhoù minorelaet all en Europa ar c’hornôg ;
  • diskouez pegen pouezus eo an treuzkas er familhoù evit ma chomo bev ar brezhoneg hag ar yezhoù minorelaet ;
  • kinnig binvioù d’an dilennidi evit ma vo kemeret e kont an treuzkas er bolitikerezhioù publik. [/bloc-gris]
This site is registered on wpml.org as a development site.